Nú er nóg komið!!!!

Velferðarþjóðfélag, velferðarstjórn hvað!!!! Ég held að það megi alveg jarða þessa ríkisstjórn eins og hún leggur sig. Nóg er komið!! Enn skal sauma að barnafólki, öryrkjum, öldruðum og velferðarkerfinu. Ekki á að hækka bætur þótt allt annað hækki. Draga á úr starfsemi allra sjúkrahúsa á landsbyggðinni, sem þýðir ekkert annað en uppsagnir. Það er hrein skömm að þessu. Í mínum huga hefur merkingin að vera vinstri manneskja og að vera félagshyggjumanneskja fengið allt aðra meiningu með þessari ríkisstjórn. Velferðarkerfið er að hruni komið og fokið í flest skjól. Fólk bíður í biðröðum eftir mat til að þreyja fram í næstu viku eða vikur. Fólk er að missa húsnæði sitt. Bankar eru ekki viljugir að semja við hinn almenna borgara en á meðan horfa þeir á niðurfellingar skulda hjá efnaðri mönnum, útrásarvíkingum sem komu okkur á kaldan klakann. Það á enginn að vera hissa á viðbrögðum fólks við þingsetninguna í dag. Ég er í raun hissa að ekki skuli meira hafa gengið á. Fólk er komið með upp í kok! Það verður fróðlegt að vita hvernig næstu kjarasamningaviðræður ganga, en flest allir kjarasamningar eru lausir í nóvember. Hvað verður þá? Verður ekki bara ullað á verkafólk og hinn almenna launamann eins og endra nær. Aukin skattbyrgði, lækkun barnabóta og þá hrikalegi samdráttur sem framundan er, er ég ansi hrædd um að sé skv. tilskipunum eða "ráðleggingum" frá AGS. Ég hef grun að að það hreðjarak sem þessi stofnun hefur á efnahagskerfi þjóðarinnar verði til þess að það ríði okkar velferðarkerfi að fullu. Það er dýru verði keypt. Ég held að þessum ráðamönnum hafi verið nær að hlusta betur á orð Lilju Mósesdóttur og fleiri. Þessi ríkisstjórn hefur líka eitt óhemju tíma í ESB drauma, en þeir koma ekki til með að bjarga þessari þjóð á næstunni, hvað sem menn vilja halda fram.

Nú er mál að linni!!!!


« Síðasta færsla | Næsta færsla »

Athugasemdir

1 Smámynd: Björg Árnadóttir

Ég hef aldrei verið pólitísk og látið mér hana í léttu rúmi liggja (sami grautur í sömu skál tilfinningin) en ástandið núna tekur út yfir allan þjófabálk! Er enginn að hlusta á fréttirnar? Tekur enginn eftir því að bara í vikunni sem er að byrja á að selja ofan af 100 - já EITTHUNDRAÐ - fjölskyldum bara hér á Suðurnesjum? Og þetta er lokasala, ekki byrjun uppboðs! Ég hef ekki orðið vör við að nokkur maður segi múkk yfir þessu eða finnist það yfirleitt merkilegt. Þetta er bara einn angi af aðgerðum/aðgerðaleysi ríkisstjórnarinnar. Svo skemmtilega vill til að ég er ein þessara heppnu. Og af því ég er svo gasaleg "óreglumanneskja" að ég lét það henda að lenda á vanskilaskrá þá fæ ég ekki lán hjá LÍN til að nýta atvinnuleysið til náms! Vill til ég er svo heppin að vera ekki með börn á framfæri og vel gift þannig að ég er á framfæri maka og fór samt í skóla. En hvernig fer eiginleg fólk að sem ekki er eins "heppið" og ég??

Takk fyrir færsluna þína Silla. Ég er líka sammála færslunni þinni hér á undan varðandi sparifé fullorðna fólksins. Amma mín þorir ekki að taka út spariféð sitt sem er á ríkisskuldabréfum því þá reiknast á þessar krónur "arður" og þá fær hún lækkaðar bætur næsta ár á eftir. Þá yrði hún aftur að taka út "arð" sem aftur lækkaði bætur sem aftur... Hvílíkt bull og vitleysa! Þannig að til að tryggja það að eiga fyrir jarðarförinni og að dæturnar fái 2-300þ í arf þá húkir hún á ellilífeyrinum í stúdíóíbúð hjá félagsþjónustunni! ARG!!

Björg Árnadóttir, 3.10.2010 kl. 08:18

2 Smámynd: Sædís Ósk Harðardóttir

Þetta er með ólíkindum þetta samfélag sem við búum í.

Sædís Ósk Harðardóttir, 3.10.2010 kl. 09:47

3 Smámynd: Svanur Jóhannesson

Það er vandlifað í þessum heimi Silla mín. Þú ert búin að fá upp í kok segir þú og hugsar til næstu kjarasamninga sem flestir eru lausir í nóvember. Þetta er nú ekki í fyrsta sinn sem verkalýðshreyfingin hefur staðið frammi fyrir erfiðum kjarasamningaviðræðum. Það sem er frábrugðið væntanlegum viðræðum núna er að vandinn er svo gífurlegur hjá ríkinu núna að ég sé ekki nokkra von til þess að ríkið geti liðkað til fyrir nýjum samningum eins og það hefur oft gert áður. Mér hefur oft verið hugsað til Finnlands í þessu sambandi, þegar þeir stóðu frammi fyrir álíka vanda fyrir nokkrum árum. Þá tók finnska verkalýðshreyfingin sig til og leysti málið með ríkisstjórninni. Hún gaf eftir í kjaramálunum, m.a. stytti hún orlofið hjá verkafólki yfir alla línuna, sem varð til þess að atvinnurekendur voru tilleiðanlegri til þess að semja um kaup og kjör. Hér finnst mér allt benda til þess að ASÍ og SA vinni sameiginlega að því að koma ríkisstjórninni frá og hvað tekur þá við. Hverjir munu vinna saman í nýrri ríkisstjórn? Verða það sjálfstæðismenn + ???

Svanur Jóhannesson, 3.10.2010 kl. 11:12

Bæta við athugasemd

Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.

Höfundur

Sigurlaug B. Gröndal
Sigurlaug B. Gröndal

Hef einlægan áhuga á öllu sem snertir manneskjuna,lífið og tilveruna. Ég er verkefnastjóri hjá Mími-símenntun ehf. Er hamingjusamlega gift Rafni Gíslasyni, húsasmiði. Við eigum 4 börn og 7 barnabörn og einn hund. 

Myndaalbúm

Nýjustu myndir

  • ...palli
  • ...jol2008_030
  • ...jol2008_016
  • ...jol2008_012
  • Sumar2008 068

Heimsóknir

Flettingar

  • Í dag (28.3.): 0
  • Sl. sólarhring:
  • Sl. viku:
  • Frá upphafi: 0

Annað

  • Innlit í dag: 0
  • Innlit sl. viku:
  • Gestir í dag: 0
  • IP-tölur í dag: 0

Uppfært á 3 mín. fresti.
Skýringar

Innskráning

Ath. Vinsamlegast kveikið á Javascript til að hefja innskráningu.

Hafðu samband