Vorið er komið og grundirnar gróa.........

Það eru orð að sönnu. Þvílík umskipti. Ég er búin að vera í syngjandi sveiflu yfir góðviðrinu. Það er mikið búið að stússast á mínum bæ í dag. Bóndinn er búinn að vera í ham! Annar bíllin af tveimur var tekinn í gegn frá toppi og niður úr í gær. Sólpallurinn var hreinsaður í dag, Grillið komið úr garðskúrnum, rósirnar mínar, garðáhöldin, búið að þrífa rúðurnar á húsinu, henda fullt af drasli og fleira og fleira. Það var yndislegt að heyra í lóunni í morgunsárið.  Hundspottið var í essinu sínu í gryfjunni í dag og leitaði að músum og elti smáfuglana sem komnir eru þar. Hrafninn stríddi henni líka örlítið.  Svo var farið í að versla í matinn.  Það mátti sjá ljósgræna hnoðrana gægjast út úr brumhnöppunum á loðvíðinum í gryfjunni. Stórkostlegt. Það var bara um síðustu helgi sem var um 30cm jafnfallin snjór þar!!! Nú skal man sko grilla og alles!!!! Fyrsta grill vorsins. Jahúú!!! .  Litlu afabörnin hans Jóns mágs míns í næsta húsin voru komin út með hjólin sín í morgun. Það var yndislegt að sjá þau bagsa við að komast af stað út í vorið, búið að leggja snjógallanum fram á haustið (vonandi!). Á svona dögum er ekki hægt að vera innanhúss. Vorið er komið og kallar á þig!!!!!! Eigið góðan dag!

Athugasemdir

[Björg Árnadóttir, 20.4.2008 kl. 11:14]

Besti tími ársins ekki spurning! Til hamingju með vorið til okkar allra!!

[Sigríður Guðnadóttir, 20.4.2008 kl. 11:16]

hreint frábært - vorið loksins komið  

[Helga Dóra, 20.4.2008 kl. 12:20]

gleðilegt vor

[Steingerður Steinarsdóttir, 20.4.2008 kl. 14:23]

Já, þetta er alltaf jafnánægjulegt. Ég ætla að grilla í kvöld.

[Huld S. Ringsted, 20.4.2008 kl. 23:40]

Veðrið er búið að vera hreint frábært enda var grillið hreinsað í dag og grillað