Að færa

Já, við vorum að færa björg í bókstaflegri merkingu í búið. Sótt voru þessi þrjú myndarlegu björg niður á brimgarð og sett á lóðina hjá okkur á fimmtudagskvöldið. Þessir hnullungar eru alveg rosalega flottir. Þeir eru allir með eins konar syllu sem hægt er í raun að hafa sem sæti. En á þessar syllur verða sett ýmist blóm eða annað til skrauts. Ætlunin er svo að setja mitt á milli þeirra þriggja, fánstöng, svona þegar efnahagurinn leyfir slík kaup, en eitt slíkt stykki kostar bara "aðeins" 50 þúsund! Bíður betri tíma.

Svona líta þeir út! Ætlunin er svo að stinga upp torfið á milli þeirra og setja fjölæran gróður, blóm og runna til skrauts. Við erum að bæta við og kasta fram og til baka hugmyndum. Við hjónin erum bæði veik fyrir álfum, styttum, tjörnum og ýmsu smálegu til að setja í garðinn.  Við verðum oft að halda að okkur höndum þegar við komum í verslanir eins og , Garðheima, Blómaval og fleiri slíkar búðir. Við myndum helst vilja bara fylla bílinn og meira til af öllu mögulegu sem þar fæst til að skreyta og skipuleggja garða með.  En allt hefur sinn tíma og þetta verður að koma smátt og smátt. 

 

Hið íslenska "Stonehenge"! He, he

Athugasemdir

[Valgerður G., 18.5.2008 kl. 23:35]

Frábært, þá veit ég hvað ég að gefa þér í afmælisgjöf!

[Ásthildur Cesil Þórðardóttir, 19.5.2008 kl. 00:15]

Aldeilis flott grjót Sigurlaug mín, en það er alveg óþarfi að stinga torfið upp, ef þú úðar yfir það með Round up, drepurðu grasið, og getur stungið beðið upp eftir svona 3 vikur.  Þá nýtist grasrótin í að bæta moldina.  Og þú þarf minni mold í beðið.  Þetta verður rosalega flott hjá þér.

[Ragnheiður , 19.5.2008 kl. 01:01]

Flott grjót !

[Sigurlaug B. Gröndal, 19.5.2008 kl. 08:51]

Takk fyrir góð ráð, Ásthildur mín. Maður kemur ekki að tómum kofanum hjá þér! Við vorum farin að horfa á þetta með hryllingi að stinga allt heila gilleballið upp.

Búbban mín, ég bíð spennt!

Takk, Ragga mín, já það eru margir rosalega flottir hnullungar og björgin sem hægt er að fá hérna.

[Steingerður Steinarsdóttir, 19.5.2008 kl. 16:55]

Vá, flott. Mér finnst svona skraut í görðum frábært en skil vel þá sem kjósa að frelsa garðdverga.

[Björg Árnadóttir, 19.5.2008 kl. 23:50]

Roundup er ógeðslega dýrt og selt í rosalega stórum skömmtum. Endilega reyndu að finna einhvern sem á brúsa og fáðu að samnýta! Björgin eru svaka flott og gefa tilefni til geysiflottra pælinga með framtíðina í garðinum. Til hamingju með framkvæmdirnar!

Er annars nokkuð komið gat í varnargarðinn í Þorlákshöfn???