Stórkostlegur kosningasigur-upphaf aldar raunsæisins er komið!

Ég óska Bandaríkjamönnum til hamingju með nýja forsetann og reyndar öllum heiminum með þessi úrslit. Það er mín trú að þessi úrslit eigi eftir að marka spor í heimssöguna og boða miklar breytingar allsstaðar. Sérstaklega þó hjá Bandaríkjamönnum sjálfum.  Hún mamma segir oft svo merkilega og skemmtilega frá. Hún pælir mikið í pólitík, fylgist með erlendum fréttum um allan heim. Hún segir að öld raunsæisins sé að renna upp. Það hafa verið ísöld, bronsöld, steinöld, víkingaöld,  bylting kommúnisma, frjálshyggjubylting og fleira. Allt þetta hefur liðið undir lok. Öfgar eru aldrei af hinu góða. Nú erum við búin að skella á rassinn með frjálshyggjuna (sem fór hér út í hreina græðgi) og komin til raunveruleikans. Þjóðin er að vakna af draum sem átti að vera svo góður og hið eina sem var rétt og gott. Þessu má líkja við að þjóðin hafi verið slegin utan undir. Verst er að það eru svo margir sem áttu þennan kinnhest ekki skilið og skilja ekki hvers vegna þeir hafa fengin hann.  Efnahagur margra þjóða stefnir niður á við. Tími græðginnar er liðinn eða ég vona það. Nú tekur við tími raunsæis, jafnvægis, mannúðar sem gefur öllum pláss til að vera til og lifa mannsæmandi lífi. Ég er kannski svona hrikalega bjartsýn eða óraunsæ, en þetta er mín tilfinning og oft hefur hún mamma verið sannspá. Lifið heil.

« Síðasta færsla | Næsta færsla »

Athugasemdir

1 Smámynd: Jóna Á. Gísladóttir

Ef við hendum bjartsýninni út í hafsauga þá er ekki mikið eftir. Um að gera að halda í bjartsýnina eins og mögulegt er og hvað með það þó að slatti af óraunsæi fylgi í kaupbæti, ef við bara stingum ekki hausnum í sandinn.

Kærar þakkir fyrir fallega kveðju mín megin.

Jóna Á. Gísladóttir, 5.11.2008 kl. 09:32

2 Smámynd: Steingerður Steinarsdóttir

Já, þetta var stórkostlegt. Ég var hrædd um að þegar á hólminn kæmi þyrðu Bandaríkjamenn ekki að kjósa Obama. En mamma þín er greinilega skynsöm kona og víst er að þessa dagana heldur maður í að öll él birtir upp um síðir.

Steingerður Steinarsdóttir, 6.11.2008 kl. 16:43

3 Smámynd: Björg Árnadóttir

Þið mæðgurnar eruð góðar saman. Ég ætla að trúa þessu með ykkur. Góður pistill

Björg Árnadóttir, 11.11.2008 kl. 15:37

Bæta við athugasemd

Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.

Höfundur

Sigurlaug B. Gröndal
Sigurlaug B. Gröndal

Hef einlægan áhuga á öllu sem snertir manneskjuna,lífið og tilveruna. Ég er verkefnastjóri hjá Mími-símenntun ehf. Er hamingjusamlega gift Rafni Gíslasyni, húsasmiði. Við eigum 4 börn og 7 barnabörn og einn hund. 

Myndaalbúm

Nýjustu myndir

  • ...palli
  • ...jol2008_030
  • ...jol2008_016
  • ...jol2008_012
  • Sumar2008 068

Heimsóknir

Flettingar

  • Í dag (28.3.): 0
  • Sl. sólarhring:
  • Sl. viku:
  • Frá upphafi: 0

Annað

  • Innlit í dag: 0
  • Innlit sl. viku:
  • Gestir í dag: 0
  • IP-tölur í dag: 0

Uppfært á 3 mín. fresti.
Skýringar

Innskráning

Ath. Vinsamlegast kveikið á Javascript til að hefja innskráningu.

Hafðu samband