Er í fríi.....verð í fríi......

Jæja, þá er ég komin frí sem reyndar hófst á mánudaginn. Við hjónin eyddum deginum í gær í garðslátt í yndislegu veðri og bárum á nýja garðhúsið okkar viðarvörn.  Í dag fórum við í bæinn að sækja tjaldvagn sem ég hef á leigu frá stéttarfélaginu mín og höfum við hann í viku. Nú á að stefna á Snæfellsnesið á morgun og rifja upp einstaka heimsókn þangað 1993 en þá náðum við aðeins að skoða hluta af nesinu. Það er endalaust hægt að skoða Snæfellsnes og nágrenni.  Fegurð náttúrunnar er einstök þar og þar er gott að vera.  Við ætlum að njóta þessa að vera úti í guðs grænni næstu daga.  Dóttir okkar og tengdasonur ætla að koma með okkur.  Lítið verður um blogg á næstunni og segi ég því bless á meðan. 

Athugasemdir

[Björg Árnadóttir, 27.7.2007 kl. 11:35]

Til hamingju með sumarfríið, garðhúsið, tjaldvagninn og góða veðrið. Megið þið eiga sem allra best sumarfrí!

[Sigríður Ólafsdóttir, 30.7.2007 kl. 17:22]

Hafðu það ofboðslega gott í sumarfríinu Silla mín.

[Steingerður Steinarsdóttir, 2.8.2007 kl. 09:12]

Hafðu það gott á nesinu. Það er líka einn af mínum uppáhaldsstöðum og ég þreytist aldrei á að ferðast þar um.