Tilgangslausar aðgerðir

Ég fæ ekki séð hvernig það myndi bæta ástandið að banna lausasölu á köldum bjór í Vínbúðinni í Austurstræti eins og fram kemur m.a. í viðtali við Vilhjálm á visi.is , hvað þá að loka henni. Agaleysi íslendinga og siðleysi þeirra ásamt  máttleysi yfirvalda að halda uppi þeim lögum og reglum sem í gildi eru, eru megin orsökin fyrir ástandinu að mínu mati. Það kemur svo víða fram hvað íslendingar eru duglegir að brjóta lög og reglur  og liggur við að maður kalli það þjóðaríþrótt landans. Á ferðum mínum í Englandi og Skotlandi eru skilti er kveða á um 500 punda sekt ( sem eru ríflega 68 þúsund ísl. krónur) ef einstaklingur er staðinn að því að drekka áfengi á almannafæri. Ég sá hvergi ofurölvi fólk með bjórflöskur í hendi, stútandi þeim hvar sem tækifæri fékkst. Ekki var heldur verið að abbast uppá fólk vinna vinnuna sína við þjónustu og afgreiðslu á veitingahúsum eða börum. Ég hef einnig verið á Ólafsvöku í Þórshöfn í Færeyjum og ekki sá ég þá ruddamennsku þar sem viðgengst hér.  Ég held að eitthvað þurfi að gera í agamálum hér, bæta siðferðisvitund íslendinga og sjá til þess að viðurlög séu við broti á lögum og reglum. Hið opinbera verður að standa sig betur í þeim efnum. Þetta á ekki bara við um þetta tiltekna tilfelli heldur svo mörg önnur í okkar samfélagi.

Vill vínbúðina burt

Athugasemdir

[Ásdís Sigurðardóttir, 17.8.2007 kl. 12:05]

Það er erfitt að halda í agann þegar normið er orðið að brjóta allar reglur, þetta er á skelfilegri niðurleið og ekki lýst mér á að takist að laga til í borginni, ætla samt ekki að útiloka neitt ef menn taka sig hraustlega á.

[Steingerður Steinarsdóttir, 17.8.2007 kl. 16:16]

Hér er líka samþykkt og jafnvel sósíalt norm að drekka frá sér vit og rænu þegar lyft er glasi. Það þykir eiginlega eðlilegra en hitt.

[Valgerður Halldórsdóttir, 19.8.2007 kl. 23:59]

Já þetta er frumleg hugmynd hjá borgarstjóra!