Icesave of dýru verði keypt!

Ég er sammála Sigurði Líndal og hef alltaf haldið því fram að það hefði átt að reyna dómstólaleiðina. Að mínu mati er verið að þvinga okkur til að ganga að þessum samningum sem eins konar loforð eða aðgöngumiða inn í Evrópusambandið. Þetta er alltof dýru verði keypt. Við erum búin að selja okkur í bak og fyrir fyrir eitthvað sem ég tel að nýtist okkur ekki eins og Samfylkingin vill vera láta og hefur dásamað til hægri og vinstri. Stærri þjóðir eins og Frakkland, Þýskaland og Bretland hagnast kannski eitthvað á því að vera í þessu sambandi enda eru þær með mikla framleiðslu í iðnaði sem við höfum ekki. Ég vona að þessir samningar verða ekki samþykktir ef svo fer, hvað þá? Verður okkur stillt upp að vegg?

Icesave málið fari fyrir dóm

Athugasemdir

[Jón Ingi Cæsarsson, 23.6.2009 kl. 15:07]

Við erum ekki að kaupa Icesave.. við erum að reyna að standa við hluta þeirra skuldbindinga sem við höfum undirritað... Það er miklu nær að spyrja.... hvað þýðir það ef við skrifum ekki undir icesave??.... það er stóra spurningin.. við vitum nokk svarið við hinni.

[Sigurlaug B. Gröndal, 23.6.2009 kl. 15:13]

Það sem ég á við með að selja okkur er að við göngum að samkomulagi um greiðslur sem eru okkur ofviða til að greiða fyrir inngöngu Íslands í ESB. Það átti að reyna dómstólaleiðina.

[Rafn Gíslason, 23.6.2009 kl. 17:12]

Get ekki annað en verið þér hjartanlega sammála Silla mín það á að láta á hana reina annars verður engin friður með þetta mál. Ég hef haft lítið álit á ESB og ekki skilið hvað við höfum þangað að sækja og verð að segja það að eftir þessi vinarhót og þennan samningsvilja þá skil ég það enn ver.