Vetrarríkið við Mývatn.

Sem stendur er ég stödd norður við Mývatn, nánar til tekið í Reynihlíð. Ég koma hingað seint síðdegis í dag frá Akureyri eftir 3ja daga kennslu þar. Að aka hingað með vatninu var hreint ótrúlegt. Hér mældist á hitamæli í bílnum 16 stiga frost. Hér er snjór yfir öllu og héla á trjám. Hér var skein gul-bleik kvöldsólin og litaði fjallstindana með bleikum lit. Ísþoka var víða yfir ám og yfir vatninu. Birtan var ævintýraleg og skuggarnir í hrauninu sem mynduðust voru ótrúlegir. Ég ók hægt og rólega til að njóta þessarar birtu sem stoppaði þó svo stutt við, þar sem myrkrið kemur svo snöggt á þessum árstíma. Því miður tók ég ekki myndavélina með mér. Ég er ekki einu sinni viss um að hún hefði náð þessari dýrð sem ég varð vitni af. Landið okkar er bæði fagurt og frítt. Förum vel með það.

Þarna eru menn með viti!

Þarna vita menn hvernig á að bera sig að, halda utan um hlutina og framkvæma. Þeir ætti kannski í Vestmannaeyjum að halda námskeið í þessu! Flott hjá ykkur!

Ekki slegið af í Vestmannaeyjum

Til hamingju!

Ávaxtabíllinn er vel af verðlaununum kominn. Það frumkvöðlastarf sem þeir hafa unnið er athyglisvert. Það hefur verið mér og svo mörgum öðrum nauðsynlegt að nálgast heilsu sinnar vegna hollrar og fitusnauðrar fæðu, ferskri og án aukaefna. Ég er ein af þeim mörgu sem hafa notið framleiðslu þeirra og er hún ósvikin, ómenguð og fersk. Það að geta komið við á bensínafgreiðslustöð á leið til vinnu og keypt brakandi ferska ávexti niðurskorna og flotta til neyslu, brauð með fersku nýju grænmeti og alls kyns hollustu er frábært! Tími fitumikils skyndibita og "olíumengaðra" fæðu er liðinn. Það er líka æðislegt að getað pantað flottan ávaxtabakka og borið fram á fundum og námskeiðum. Takk fyrir mig.

Ávaxtabíllinn hlýtur Fjöreggið

Hefur víðtækari áhrif en fólk gerir sér grein fyrir.

1. Deyr fé,

deyja frændur,

deyr sjálfur ið sama.

En orðstír

deyr aldregi

hveim er sér góðan getur.

 

Orðspor okkar íslendinga er ekki upp á marga fiska í dag. Þjóðin hefur beðið hnekki, ekki bara í viðskiptalífinu heldur á miklu breiðari vettvangi. Siðfræðin hefur algerlega gleymst í þessum ólgusjó útrásar og græðgi. Það á eftir að taka þjóðina langan tíma að öðlast sömu virðingu og hún hafði fyrir þetta hrun. Nú liggur á að vinna rétt úr hlutunum. Það er stórmál þegar verið er að ýta mennignarviðburðum út af borðinu vegna vantrausts  sem annar vettvangur hefur skapað. Sinfóníuhljómsveit Íslands er búin að leggja óhemju vinnu við undirbúning þessarar ferðar. Orðspor hljómsveitarinnar hefur farið víða og þykir hún einstaklega góð á heimsmælikvarða. Þetta hefur  dregið dilk á eftir sér en ég vona í lengstu lög að fleiri listviðburðir og listamenn fái ekki svona skilaboð og afboðanir. 

 

 

 

 

 

 

 

Vilja ekki íslensku sinfóníuna

Fékk þennan hvatningapóst sendan sem gengur á netinu.........góð lesning

 

 

 Þetta kemur frá honum Júlla á Dalvík eins og svo margt annað gott. Ég tók mér það bessaleyfi að birta þetta svo fleiri gætu notið þessa kvæðis. Því miður tókst mér ekki að setja inn allar fallegu myndirnar sem fylgdu. Margir eru eflaust búnir að fá þetta sent í tölvupósti. Takk Júlli fyrir hvatninguna. 

 

         

 

VIÐ SOFNUÐUM Á VERÐINUM....

  

Nú vandi steðjar okkur að og virðist endalaus

velmegunin orðin slík að fjandinn sleppur laus

krepputalið allsstaðar að æra sérhvern mann

og klúðrið alveg skelfilegt í kringum óhroðann.

 

 

Dimmir skuggar dansa yfir sjokkeraðri þjóð

sem fyrir nokkrum dögum þótti snjöll og ráðagóð

 

útrásina miklu studdi hún svo trú og dygg

fjármál landsins virtust vera örugg öll og trygg

 

En hættan lá í leyni og við gleymdum okkur öll

við það að eyða peningum og virkja ár og fjöll

kaupa allt sem hugur girntist bæði hér og þar

kaupa merkjaverslanir já heilu keðjurnar.

 

Kaupa jeppa, kaupa hús og verða rík og flott

Kaupa höll með garðhýsi og kaupa heitan pott

Kaupa líf sem gæti virst svo fullkomið og smart

Kaupa álit annarra en njóta þess þó vart.

 

Verðbólgan að sliga allt en við svo rosa klár

Nastaq þetta, Össur hitt og Dow Jones algjört fár

Vildum sýna veröldinni þó við séum smá

við gætum reddað heiminum ef þannig stæði á.

 

Nú stoltið sært og dapurlegt og þjóðin öll í sorg

sársaukann og vonbrigðin má sjá í bæ og borg

Bakland það sem fólkið taldi tryggja efri ár

tekið verður upp í skuld, en skilur eftir sár.

 

Þó það sé þyngr´en tárum tak´ að sættast þetta við

tilfinningar splundraðar og dapurt ástandið

þá saman öflug getum verið, ákveðin og sterk

fámenn þjóð með styrk sem getur gert mörg kraftaverk.

 

Upp með ermar, upp með bros og allir saman nú

aldrei meigum gefast upp né glata okkar trú

knúsumst bara þéttingsfast og hefjumst handa við

að bæta það sem bæta má og efla mannlífið.

 BH 2008.

 

En...núna er dagurinn í dag íslenskur veruleiki...og  því skylda okkar fullorðnu að takast á við hann...með jákvæðni...bjartsýni og krafti...nýta orkuna sem við eigum..og byggja börnunum okkar og barnabörnum nýtt og betra þjóðfélag...breyta áherslunum...hlúa að og gefa hvert öðru tíma...njóta þess sem er...og hætta að hugsa um það sem við höfum ekki....

 

Við erum þjóð elds og ísa...hamfara og hremminga...baráttu og sigurvilja og við gefumst ALDREI upp....því við getum ALLT....

       

 

Knúsvikan mikla 13.-20 okt 2008

ÁSKORUN FRÁ JÚLLA Á DALLANUM:

 Ég held að það skipti mestu fyrir okkur að halda ró okkar og huga að því sem að skiptir máli mannfólkið sjálft. hÉR http://www.julli.is/knus.htm er að finna upplýsingar um Knúsvikuna miklu og ég skora á alla að taka þátt með einum eða öðrum hætti. Til þess að Knúsvikan verði að veruleika bið ég alla að segja frá henni, breiða út knúsboðskapinn og taka þátt með því að knúsa. Kíkið á http://www.julli.is/knus.htm og hefjumst síðan handa. Áfram Ísland!!! 

Ég skora á alla að vera með...knúsast endalaust og hjálpast að við að byggja upp nýtt og betra líf...saman.... 

MUNA: "Þú getur valið hvort þú gefst upp þegar eitthvað fer úrskeiðis, eða nýtt þér ófarirnar og breytt þeim til hins betra. Staldraðu við, horfðu á alla demantana sem glitra allt í kringum þig. Börnin þín, makann, foreldra, vini, horfðu á trén svo falleg í haustlitunum, horfðu á allt þetta fallega í umhverfinu sem umlykur þig hvern dag. Sama hvernig ástandið er í þjóðfélaginu, þá eru þetta verðmætin sem skipta þig máli. Hugsaðu um það."

BROS OG KNÚÚÚS...Í HVERT HÚS!!!

 

Ábyggilega vel meint en...........

Ég var að hlusta í morgun eins og ég geri hvern morgun á leið minni til vinnu á morgunútvarp Rásar 2. Þar voru við hljóðnemann Hrafnhildur og Guðrún Gunnarsdóttir.  Í lok þáttarins rétt fyrir kl. 9.00 þegar þættinum er að ljúka þá hvöttu þær fólk til að njóta samvista, gera eitthvað saman, sem er mjög gott en jafnframt fólk til að sækja menningarviðburði svo sem að fara í leikhús, tónleika og að sækja kvikmyndahús. Þetta er allt mjög fallegar tillögur, en þannig er það nú að þetta er það fyrsta sem fólk hættir við þegar harðnar í ári.  Leikhúsferð foreldra með t.d. 1 barn eða ungling kostar að meðaltali ríflega 11 þúsund krónur. Bíóferð kostar fyrir jafnmarga kostar 3 þúsund krónur og tónleikar í það minnsta 4.500 krónur en miðaverð á tónleika er algengt kr. 1.500 á pr. einstakling.  Þetta er alltof dýr póstur fyrir fjölskyldu sem á í fjárhagserfiðleikum. Reyndar kom Hrafnhildur með í blá-lokin aðra tillögu að það væri að horfa saman  á mynd í sjónvarpinu og poppa. Það er nærri lagi. Einnig var önnur góð hugmynd og það var að fjölskyldur hittust og borðuðu saman. Ég og elsta systir mín gerðum það þegar börnin okkar voru lítil og við unnum aðeins hluta úr degi (n.b. sem var yndislegt) vorum reglulega með "rúnnstykkjadag". Þannig var að önnur hvor okkar bjó til súpu eða graut og hin mætti á staðin með sín börn og rúnnstykki eða nýtt brauð meðferðis og áttum við yndislega hádegisstund með krökkunum saman. Ekki er mikið mál að gera ódýra og góða súpu og baka brauðbollur. Taka síðan upp spil eða leiki og gera sér glaðan dag. Morgunútvarp Rásar 2 er frábær þáttur og hlusta ég hann á hverjum morgni á leið til vinnu. Alveg ómissandi en gæta þarf aðeins betur hvað sagt er.  Ég veit að þetta var vel meint en passaði ekki alveg. 

Ekki rugla saman foreldraorlofi og fæðingarorlofi.

Það er ranglega farið með staðreyndir í fyrirsögn þessarar fréttar. Hið rétta er að íslenskir feður setja met í töku fæðingarorlofs feðra. Mjög fáir foreldrar taka foreldraorlof sem er annar réttur en fæðingarorlof og tók gildi með sömu lögum 1. janúar árið 2000. Meira að segja er það svo að mjög fáir vita af þessum rétti. Þetta ákvæði laganna skapa foreldrum rétt til að taka leyfi frá störfum í allt að 13 vikur vegna barna upp að 8 ára aldri. Hins vegar er því háttað með þetta leyfi að það er ekki launað,  hvorki frá vinnuveitanda né Fæðingarorlofssjóði sem gerir það að verkum að foreldrar eru ekki að nýta sér þennan rétt. Þeir þurfa því að vera fjárhagslega vel stæðir til að geta gert það. Þó hafa einstaka foreldrar, sem getað hafa nýtt sér þetta þegar barn er að hefja nám í grunnskóla og þarf aðlögunar við. Mjög góðar upplýsingar um "Foreldra-og fæðingarorlof" er að fá m.a. á vef ASÍ á hlekk hægra megin á forsíðu vefsins www.asi.is ,

einnig er hægt að finna góðar upplýsingar á vefnum  www.island.is

Skoðið endilega þessar síður og kynnið ykkur muninn á þessu tvennu - Foreldraorlofi og fæðingarorlofi. 

 

Íslenskir feður setja met í töku foreldraorlofs

Auknar veiðiheimildir.........

Ég held að í ástandinu sem nú ríkir sé nauðsynlegt að auka tímabundið veiðiheimildir. Ég held að lífríkið og fiskistofnar þoli það og ráði alveg við það. Samkvæmt upplýsingum frá sjómönnum er nóg af fiski í sjónum. Okkur veitir ekki af meiri afla. Nú fer atvinnutækifærum að fækka t.d. í byggingariðnaði og þjónustu. Fiskvinnslufyrirtæki hafa verið með lágmarkshráefni að vinna úr og fólk misst vinnu vegna þessa sem ekki er á bætandi eins og staðan er að verða í atvinnumálum. Það þarf að taka þetta til alvarlegrar skoðunar. Nú reynir á sjálfsbjargarviðleitni þjóðarinnar.

Hér er bara bylur!

Ja, hérna! Nú er bara kominn kafaldsbylur og snjóklessurnar á gluggunum valda því að ég sé bara nánast ekkert út um gluggann! Hundspottið mitt hún Tinna er ákaflega spennt og réði sér ekki fyrir kæti úti rétt áðan. Hún elskar snjó og var hún eins og snjókerling þegar hún kom inn. Svo fennti inn um opna glugga og bráðnaði niður á gólf og um allt. Ekki átti maður von á þessu! En þetta er bara gaman. Þetta vil ég miklu fremur en rigningu. Vonandi gengur öllum vel að komast ferða sinna. Ég hvet bara allt til að fara með gát á ferð sinni á sumardekkjunum undir bílunum. Eins gott að fara varlega í vinnuna í fyrramálið!