Krían loksins komin

28.5.2007 | 16:05

Já, krían kom aðfaranótt hvítasunnudagsins. Hún er óvenju sein í ár. Kuldinn hefur verið mikill og ekki vænlegt veðurfar til hreiðurgerðar. Það heyrðist í nokkrum kríum um miðja nótt aðfaranótt sunnudagsins hér í móanum við kirkjuna okkar í Þorlákshöfn. Um morguninn var hópur af kríu komnir í varpið og mátt sjá þær flögra um og "garga" eins og hún á að sér að vera. Varpið í fyrra meira eða minna misfórst vegna skorts á æti. Mávurinn var síðan mjög duglegur að hirða upp þá sem komust úr eggi. Það er vonandi að betur gangi í ár. Það er alltaf gaman að fylgjast með henni. Kannski er sumarið loksins komið!

Flokkur: Bloggar | Facebook

Athugasemdir

Heyri einnig hinn gleðilega kríuhljóm. Var farinn að hafa áhyggjur. kv. B

Baldur Kristjánsson, 29.5.2007 kl. 00:28

Já, vonandi er sumarið komið. Annars var svona kalt vor í fyrr líka. Þann 20. júní 2006 var ég á leið í Stykkishólm og þá snjóaði á okkur upp á fjallinu og ekki var hægt að gefa fólkinu kaffi á útsýnistaðnum á vatnleið vegna veðurs. Mig langar ekki í annað þannig sumar.

Steingerður Steinarsdóttir, 29.5.2007 kl. 12:31

Ég þóttist nú vera með hana í kringum okkur þegar ég fór með hundinn hér N á Hafnarsand snemma á föstudagsmorgunn???

Hafsteinn Viðar Ásgeirsson, 29.5.2007 kl. 18:14

Bæta við athugasemd [Innskráning]

Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.

Höfundur

Sigurlaug B. Gröndal

Hef einlægan áhuga á öllu sem snertir manneskjuna,lífið og tilveruna. Ég er verkefnastjóri hjá Mími-símenntun ehf. Er hamingjusamlega gift Rafni Gíslasyni, húsasmiði. Við eigum 4 börn og 7 barnabörn og einn hund.