Skotlandsfarar

Jæja, nú fer það að bresta á. Nú er kórinn okkar, Kór Þorlákskirkju á leið til Skotlands í söngferð í fyrramálið. Mikill undirbúningur hefur átt sér stað og er förinni heitið til Dunfermline sem er um 15 mílum frá Edinborg og mun verða sungið við stóra messu í Abbey kirkjunni.  Við  komum svo til með að syngja á góðgerðarsamkomu sem haldin er til að safna fé fyrir gleymd og  yfirgefin börn í Rúmeníu. Þar eru svo eins og oft, tónlistarmenn sem láta til sín taka. Það svona datt upp í hendurnar á okkur í miðri skipulagningu. Það verður gaman að fara þarna um , sérstaklega þar sem bærinn Dunfermline er fullur af sögu Skotlands og fleira. Þar er fæðingarstaður Andrew Carnegie sem Carnegie Hall í New York heitir eftir og er reist fyrir hans tilstilli. Sem sagt spennandi dagar framundan, stuð og stemmning.   Sjáumst í næstu viku!

Athugasemdir

[Baldur Kristjánsson, 7.6.2007 kl. 20:40]

Góða ferð, frábært framtak og eftirtektarvert að nær allir, hver og einn nema einn ætlar með.  Hlýtur að vera samheldinn kór!  Kv. B

[Steingerður Steinarsdóttir, 8.6.2007 kl. 20:17]

Skemmtu þér vel hjá frændum okkar Skotum. Mér hefur alltaf líkað einstaklega vel við Skotland og Skota. Ég heimsótti þá fyrst árið 1984 og þá gekk sonur minn um í fermingarveislu systur minnar og tilkynnti öllum að ég væri í Skotlöndum.