Sumt ískrar í eyrum manns og................

Það má segja að það hafi ískrað í eyrunum á mér í morgun en það getur gerst þegar eitthvað hljómar svo út í hött og engan veginn í samræmi við aðstæður. Sem ég  var á leið til vinnu í morgun og klukkan rétt um 8:30 var ég að aka sem leið lá frá Þrengslum og var að fara undir brúna við mislæg gatnamót Þrengslavegar og Suðurlandsvegar hljómaði auglýsing í útvarpinu frá hjólbarðaverktstæði um að skipta ætti yfir í sumardekk fyrir 15. apríl og það byði þjónustu sína. Aðstæður voru hinsvegar þannig á þessum augnabliki að ég er að aka um í glerhálku og skafrenningi svo ekki sá út úr augum. Ég rétt gryllti í vegstikurnar til að vera örugglega á réttum vegarhelmingi. Það ískraði í eyrunum á mér. Þetta hljómaði alveg út í hött og ég gat ekki annað en brosað. Svona geta aðstæður verið svo gjörsamlegar andstæðar. Dekkjaskiptum frestað um óákveðinn tíma!!!! Farið varlega í umferðinni.  

Athugasemdir

[Sigríður Guðnadóttir, 9.4.2008 kl. 19:53]

hehe já svoldið skrítið !  átti ekki að vera komið vor

[Björg Árnadóttir, 9.4.2008 kl. 23:27]

hehehehe... já, einhver auglýsti "tilvalinn dagur fyrir dekkjaskipti" - Það var þá helst!!

Mundu að aka varlega um Þrengslin (og alls staðar). Ég er búin að læra að það er oft glerhált þar þó það sé fínt annars staðar.

[Steingerður Steinarsdóttir, 11.4.2008 kl. 10:39]

Já, það er margt skrýtið í henni versu. Aktu varlega Silla mín.