Nú skall á mig eitt ár í viðbót!

Já og alltaf verður þetta bara skemmtilegra og skemmtilegra. Frábær dagur í gær. Hélt upp á afmælið mitt (ekki samt stórafmæli). Við komum saman, krakkarnir, systurnar, mamma, makar og vinir yfir "hjemmelaved" bakkelsi að hætti fjölskyldunnar.  Ég fékk alveg geggjaða gjöf frá bóndanum og börnunum (ég verð bara að koma því að hérna) ! REIÐHJÓL! Gamall draumur rættist. Ég hef ekki átt reiðhjól sem er í lagi í áratugi. Ég var alltaf á hjóli hér í den, og hef mjög gaman af því að hjóla. Nú rættist þessi langþráði draumur og nú fer sú gamla af stað! Þetta er eldrautt 21s gíra hjól með dempurum og öllu! Hjólið var prófað í gær og ég verð að segja að ég var nú aðeins stirð svona í fyrstu en svo kom þetta. Nú er að koma sér í gamla gírinn og hjóla. Ég bý svo vel að bærinn minn er mjög hjólreiðavænn, góðir stígar og allt flatt! Þetta gæti orðið fyrirmyndar "hjólabær" Þorlákshöfn.  Eigið góðan dag!

Hérna kemur mynd af  gripnum!!!

Athugasemdir

[Ólöf Ingibjörg Davíðsdóttir, 26.5.2008 kl. 11:32]

Hamingjuóskir! Sérstaklega með hjólið.

[Steingerður Steinarsdóttir, 27.5.2008 kl. 09:44]

Til hamingju með þetta elsku stelpan mín. Sammála þér lífið verður betra með árunum.

[Björg Árnadóttir, 27.5.2008 kl. 10:00]

Til hamingju með afmælið og farkostinn!  Það er leitun að jafn "hjólhestavænu" bæjarfélagi og þínu svo nú geturðu aldeilis þeyst af stað!  

[Sigurlaug B. Gröndal, 27.5.2008 kl. 11:18]

Ólöf, Steinka og Björg, hjartans þakkir fyrir kveðjurnar. Já, nú er bara að setja í rétta "gírinn " og þeysa af stað. Knús á ykkur allar!

[Ragnheiður , 27.5.2008 kl. 11:28]

Til hamingju með afmælið !

[Linda Samsonar Gísladóttir, 28.5.2008 kl. 09:42]

Innilegar hamingjuóskir með afmælið og hjólið!

Ég væri sko til með að eiga eitt nothæft hér úti, væri meira að segja nokk sama hvernig það liti út:)

Hvað ætli maður sé lengi að hjóla á milli Hveragerðis og Þorlákshafnar?