Hér er bara bylur!

Ja, hérna! Nú er bara kominn kafaldsbylur og snjóklessurnar á gluggunum valda því að ég sé bara nánast ekkert út um gluggann! Hundspottið mitt hún Tinna er ákaflega spennt og réði sér ekki fyrir kæti úti rétt áðan. Hún elskar snjó og var hún eins og snjókerling þegar hún kom inn. Svo fennti inn um opna glugga og bráðnaði niður á gólf og um allt. Ekki átti maður von á þessu! En þetta er bara gaman. Þetta vil ég miklu fremur en rigningu. Vonandi gengur öllum vel að komast ferða sinna. Ég hvet bara allt til að fara með gát á ferð sinni á sumardekkjunum undir bílunum. Eins gott að fara varlega í vinnuna í fyrramálið!

Athugasemdir

[Eiríkur Harðarson, 2.10.2008 kl. 22:30]

Þetta er fínt í MJÖG litlu magni, hæfilegur snjór en trúlega fer hann ALLT of fljótt.

[Sigurlaug B. Gröndal, 2.10.2008 kl. 22:34]

Sæll Eiríkur minn. Snjórinn er ágætur í hófi, það er rétt, en þetta kom sannarlega á óvart. Já, hann á eftir að hverfa jafnfljótt og hann kom, svo  mikið er víst. En hann er æði!

[Björg Árnadóttir, 4.10.2008 kl. 17:54]

Ég gæti alveg afborið 1 - 2 snjólaus ár. Kannski yrði maður farinn að sakna hans eftir það. Efast samt um það. Vona sannarlega að hann taki sem allra fyrst upp! Gott að þið gleðjist!

[Steingerður Steinarsdóttir, 7.10.2008 kl. 09:27]

Já, það var undarlegt að sjá alhvíta jörð 2. október. Vonandi koma nokkrir góðir haustdagar núna á næstunni. Það er svo dýrðlegt þegar stillt er og kyrrt en svali í lofti. Þá finnst mér haustið frábær tími.

[Sigurlaug B. Gröndal, 7.10.2008 kl. 10:09]

Já, hauststillurnar eru yndislegar og bestar. Ég hef saknað þeirra, en snjórinn bætti aðeins upp rigningarsuddan og slagveðrið. Ég vona bara svo innilega að þessi rigningarsuddi verði ekki fram yfir áramót eins og í fyrra.