Hér þarf að breyta löggjöfinni!

Langtíma atvinnuleysi og félagsleg einangrun er með því versta sem til er.  Þeir erlendu ríkisborgarar sem lent hafa í atvinnuleysi hér lenda hvað verst í þessari einangrun vegna þeirrar lagagreinar sem kemur í veg fyrir að þeir fái íslenskan ríkisborgararétt hafi þeir fengið aðstoð frá hinu opinbera við framfærslu. Ástandið hér í atvinnumálum er eitthvað sem þeir geta ekki ráðið við og atvinnuleysið og lág framfærsla setu þá í miklu verri gildru en okkur íslendinga. Ég tel nauðsynlegt að fram fari endurskoðun á þessum lögum með tilliti til þeirra aðstæðan sem nú eru í þjóðfélaginu svo heimilt sé að gera undanþágu vegna þeirra.

Félagsleg einangrun eykur aðeins vandann og ófyrirséð er um afleiðingar þeirra til langframa. Við eigum að hætta að spara aurinn og kasta krónunni og meta langtímaáhrif eins og hægt er.

Einangrast vegna atvinnuleysis

Athugasemdir

[Ásthildur Cesil Þórðardóttir, 28.2.2011 kl. 12:42]

Svo sannarlega þarf að GERA eitthvað, en ríkisstjórninni okkar er fyrirmunað að sinna þeim sem verst eru settir í þjóðfélaginu.  Og ofan á allt annað eigum við svo að borga skuldir óreiðumanna sum sé Icesave.  Og festa börnin okka og barnabörn í þrældóm, þó þeim sé vel ljóst að okkur ber ekki lagaleg skylda til að borga þá kröfu.

[Sigurlaug B. Gröndal, 28.2.2011 kl. 13:53]

Ég er þér hjartanlega sammála, Ásthildur. Mér finnst þeir einnig gleyma að horfa til framtíðar. Hvaða áhrif þetta hefur til langframa. Við ættum að skoða betur þau áhrif sem langvarandi atvinnuleysi hafði á Finna í kreppunni þar og að hverju þarf að hyggja og hvað ætti að vera í forgangi. Manneskjan og fjölskyldurnar eiga að vera í forgangi, hvað sem öðru líður. Við eigum í lengstu lög að spyrna fótum við því að borga skuldir sem aðrir hafa stofnað. Almenningur tekur ekki við meiru.

[Ásthildur Cesil Þórðardóttir, 28.2.2011 kl. 14:02]

Einmitt, forgangsröðunin er kolröng hjá þessari Norrænu velferðarstjórn því miður.