Biðin langa.......

Ég var ein af þeim mörgu sem lentu í langri bið vegna hálkuslysa við Litlu Kaffistofuna í morgun og var ég því alltof sein til vinnu. Þarna eru oft lúmskir hálkublettir og ekki gott að sjá hvort um bleytu er að ræða eða hálku. Það er aldrei of varlega farið. Þarna mætti setja veghitamæla í stað þess að hafa þá eingöngu á háheiðinni og í Þrengslum. Þarna eru líka miklir sviftivindar og hið versta veðravíti. Þarna eru veður oft vályndari en á upp á Hellisheiðinni sjálfri.  Ég mæli með hitamæli í bílinn sem mælir hitastig utandyra og ekki mjög langt frá götuhæð. Mælirinn í bílnum  hjá mér pípir í þrígang til að láta vita ef hitastig er komið í ísingarhættu. Það hefur reynst mér mjög vel, þar sem ekki sést alltaf hvort hálka er á vegum. Það sem gildir auðvitað no. 1, 2 og 3 er að aka varlega. Lifið heil.

Athugasemdir

[Steingerður Steinarsdóttir, 15.10.2007 kl. 14:24]

Þú hefur þá látið sveitadrauminn rætast. Ég hef oft gælt við þetta líka að flytja burtu úr bænum en mér óar við að keyra til vinnu á morgnana svona langa leið.

[Björg Árnadóttir, 15.10.2007 kl. 14:47]

issss..... þetta er eins og allt annað, Steingerður, það venst! Svo þarf ekkert að fara svo langt til að fá dreifbýlisfílinginn.  En þetta er satt hjá þér Silla, það getur verið kolvitlaust veður þarna í Svínahrauni þó það sé ekkert svo slæmt á heiðinni eða í Þrengslunum. Væri fínt að fá veghitamæla víðar en þeir eru núna.

[Sigurlaug B. Gröndal, 15.10.2007 kl. 16:35]

´Já, Steinka mín, við hjónin létum drauminn rætast og byggðum okkur draumaparhús sem er með stórum garði. Það venst að keyra og ég er ekki nema um 40-45 mínútur að fara til vinnu. Það er um að gera að láta vaða. Fólk sem býr á Álftanesi hefur verið jafnlengi að aka til vinnu inn í bæ eins og ég er. Mér fannst borgin vera orðin svo mikið "streytu-skrímsli" að lét slag standa og flutti. Láttu drauminn rætast Steinka mín!

[Eiríkur Harðarson, 15.10.2007 kl. 18:20]

Mæli með því að vegagerðin víða um land, fari að ráða einhverja menn með veðurvit en ekki að vera að ráða einhverja stuttbuxna- veðurvindhana. Það þarf nú ekki mann með gráður til þess að skilja veðurspá. Bara mann með viskustykki=haus & heila sem kann að lesa útúr veðurkorti. Er ekki kominn til með að trúa því að veghitamælar séu nægilega öruggir, gætu verið það ef veðurfarið hér væri stöðugt.

[Sigurlaug B. Gröndal, 15.10.2007 kl. 20:38]

Nákvæmlega Eiríkur minn! Þetta er málið.  Menn með veðurvit og veghitamælar myndu bjarga miklu. Veðurmælir í Þrengslum og á Heiðinni segja ekkert til um veðurofsann sem oft er þarna við Sandskeið og Litlu Kaffistofuna.  Upp með mælana.