Gætið ykkar!

Eftirfarandi frétt er á visi.is en í morgun hafði ég fengið í tölvupósti upplýsingar um þetta og viðvörun sem send hefur verið milli manna á netinu. Þetta er skelfileg tilhugsun og hvet ég alla sem þurfa að nota almenningssalerni að hafa með sér "tissue" pakka í vasanum eða í veski. Hér þarf að herða tökin í  eftirliti á salernum. Víðast hvar er komin blá lýsing en þó ekki á öllum stöðum.  

Starfsmenn sem vinna við þrif í verslunarmiðstöðvum hafa orðið varir við að fíkniefnaneytendur hafi stungið nálum upp í klósettrúllur á almenningssalernum. Þannig hafi þeir hreinsað þær og skilið eftir örlitla blóðbletti í ónotuðum pappírnum.

Breyta þarf víðast hvar um tegund salernisrúlla. Á mörgum salernum eru komnir skammtarar sem gefa aðeins ákveðna stærð af bréfi í gegnum lítið gat svo ógerningur er að stinga í gegnum  heila rúllu. Þetta þarf að laga til að tryggja öryggi almennings. Lifið heil.

Athugasemdir

[Eiríkur Harðarson, 22.11.2007 kl. 14:15]

Þó er stundum hægt að troða hendi innum þetta litla gat, þó er þetta góð tillaga. Því miður er þetta alls ekki 100% örugg leið, vegna þess að á sumum (rúlluhöldurum) er bara ein skrúfa sem hægt er að taka af með handafli.

[Ásdís Sigurðardóttir, 22.11.2007 kl. 15:52]

Ljótt er ef satt er, best að passa sig.