Mánuður til jóla !

Jebb, í dag er 24. nóvember og sléttur mánuður í aðfangadag. Nú fer jólaljósum að fjölga og styttist í að jólalögin verða leikin í útvarpi. Það er alltaf stemmning þegar jólaljósin eru logandi um allt og slær mislitri birtunni í myrkrinu. Það væri ansi nöturlegur í myrkrinu þessi árstími ef ekki væru jólin.  Nú er um að gera að njóta tímans þegar aðventan fer í hönd en 1. sunnudagur í aðventu er einmitt eftir viku eða 2. desember.  Framboð af stórkostlegum tónlistarviðburðum er í algjöru hámarki á þessum tíma og er oft erfitt að velja úr.  Reynið þið samt að láta ekki streytuna ná tökum á ykkur i kringum jólin. Þau koma hvernig sem fer.  Njótið samverustundanna, ljósanna, tónlistarinnar en drukknið ekki í verslanamiðstöðvunum.  Lifið heil.

Athugasemdir

[Eiríkur Harðarson, 25.11.2007 kl. 03:38]

Samt Silla þá er nú fullfljótt að byrja jólaundirbúningin upp úr okt-nóv mánaðarmótum.

[Björg Árnadóttir, 25.11.2007 kl. 11:27]

Þess vegna vil ég fjölga dögum í desember í svona 45 - 50 stk. svo maður geti gert það helsta og náð að njóta sín og tilverunnar.