Græðgin er að drepa landann!!!

Græðgin er orðin svo yfirgengileg. Hér keppast verktakar að kaupa upp lóðir til að græða sem mest á hverjum fermetra. Fleira verslanir og meira verslunarrými er ekki það sem við þurfum á að halda. Við erum með verslanir og þjónustu sem þjónað geta miljónum manna. Ef eitthvað þarf að gera þá er að fækka þeim en byggja upp miðbæinn í eins upprunalegt horf og hægt er og fjölga sérverslunum eins og þeim verslunum sem eru á Skólavörðustígnum, sem er lifandi og skemmtilega gata.  Í Silfri Egils var viðtal við Sigmar, skiplagsfræðing sem var með kynningu á því sem verið er að gera í uppbyggingu á nokkrum borgum í Evrópu en þar er keppst við að koma þeim í sem næst því upprunalega horfi sem þær voru í. Sýnt þykir að til að halda borgum lifandi þarf þetta að gerast. Sigmar sýndi einnig dæmi um nokkur skipulagsslys sem voru nánast það sama og verið er að gera hér.  Hann setti upp götumynd úr Nyhavn í Kaupmannahöfn þar sem hann hafði tekið út gamalt og sett í staðinn álíkan hrylling eins víða er búið að byggja í miðborg Reykjavíkur. Útkoman var skelfileg. Hvenær ætlum við að læra að meta hlutina og horfa til lengri tíma? Hvenær ætlum við að láta af endalausri græðgi.  Það verður ekki aftur tekið sem eyðilagt verður.  Lifi miðborgin með sína sögu og menningu!!!!

Tugir verslana gætu horfið

Athugasemdir

[Eiríkur Harðarson, 19.1.2008 kl. 21:08]

En í alvöru Silla mín er ekki einkenni Íslendinga að framkvæma áður en þeir hugsa. Þú sérð hvernig farið var með "kofamálið" á laugaveginum.

[Steingerður Steinarsdóttir, 20.1.2008 kl. 17:35]

Sammála og viðtalið var hreint frábært. Það þarf meira af svona rökföstum og flottum mönnum og konum.

[GK, 21.1.2008 kl. 01:50]

Já, ég held að þessir menn ættu að slaka aðeins á... framkvæmdagleðin er allt að drepa...