Það munaði engu........!

Já, það munaði engu að það yrði stórslys þegar við hjónin vorum á leið okkar frá vinnu í dag.  Við vorum að aka leið okkur á átt að Sandskeiði í þessari ausandi rigningum og slæmu skyggni sem var í kvöld um sjö-leytið þegar bifreið er ekið á miklum hraða fram úr okkur og fram úr stórum flutningabíl sem ók á undan okkur.  Þess má geta að umferðarhraðinn var almennt um 96 km/klst. Bílnum er ekið beint á móti bifreið úr gagnstæðri átt sem varð að víkja í hvelli út af veginum, hinn rétt náði að smeygja sér fram fyrir flutningabílinn og bíllinn sem kom á eftir þeim sem vék út í kantinn gaf blikkandi ljósmerki á móti. Það munaði svo sáralitlu að þessi bíll færi beint framan á bílinn úr gagnstæðri átt.  Hvernig dettur mönnum  í hug að fara fram úr við þessi skilyrði sem þarna voru? Umferðarhraðinn var mjög góður og jafn hjá öllum ökumönnum, nema þessum! Ef menn eru að stunda slíkar kúnstir í umferðinni til að græða fáeinar mínútur eru þeir snarbrjálaðir!! Þeir hafa ekkert leyfi til að stofna sjálfum sér eða öðrum ökumönnum í lífshættu eins og þarna var gert.  Ég hvet eindregið alla ökumenn að láta vera að taka svona brjálæðislega sénsa og aka eins og menn. Lifið heil!

Athugasemdir

[Hallgrímur Óli Helgason, 5.10.2007 kl. 22:08]

tek undir með þér, hryllilegt hvernig einn og einn getur stofnað lífi fjölda manna í hættu.

[Ásdís Sigurðardóttir, 5.10.2007 kl. 22:31]

Því miður erum við ekki alveg laus við helv. glannana ennþá.  Svo er málið að þeir græða ekkert, halda það bara.

[Eiríkur Harðarson, 5.10.2007 kl. 23:02]

Silla mín þetta er orðið daglegt brauð, allir orðið svo illilega uppteknir af sínum ÞÖRFUM skítt með afleiðingar, ekki þeirra að hugsa um þær. Bölvuð efnishyggjugræðgin sem og hraðinn á öllu í samfélaginu, engin virðist vilja lifa lífinu LIFANDI.

[Sigurlaug B. Gröndal, 5.10.2007 kl. 23:27]

Það er alveg rétt Eiríkur minn, það er bara verst þegar aðrir fara að blæða fyrir hraðann og vitleysuna í öðrum. Það væru margir enn hér meðal vor og margir heilir ef menn hefðu farið sér hægar í sakirnar.  Þetta er alltof dýr "skemmtanaskattur". 

[Ragnheiður , 6.10.2007 kl. 16:18]

Já þetta er of dýr fórn fyrir mögulega 2ja mínútna styttri ferðatíma

[Björg Árnadóttir, 7.10.2007 kl. 21:12]

Sammála ykkur. Ég skil ekki þá sem aka svona. Skil ekki heldur þennan sem ég sá á þessu sama svæði í síðustu viku og í svipuðum aðstæðum, bruna framúr allri röðinni (ég var á akkúrat 90). Ekki bara að það væri hættulegt vegna rigningar og slæms skyggnis, bíllinn sem var pallbíll, var með lausan hund standandi á pallinum!!

[Steingerður Steinarsdóttir, 8.10.2007 kl. 10:38]

Já, því miður sér maður oft svona stórhættulega ökumenn á ferli í umferðinni.