Vor í Vestmannaeyjum

Nú er nokkuð liðið frá því ég bloggaði síðast.  Það hefur mikið  að gera og var ég m.a. að kenna í Vestmannaeyjum 8. og 9. maí. Á fimmtudeginum 8. maí skörtuðu Eyjarnar sínu fegursta. Það var yndislegt í lok dagsins að fara um allar Eyjarnar og njóta veðurblíðunnar. Ég læt fylgja hér nokkrar myndir sem ég tók þennan dag til að festa vorið og náttúrufegurðina á "filmu". 

 

 

 

 

 

 

 

 

Farið að grænka og sumarið í nánd.

 

 

 

 

 

 

 

 

Horft ofan af Stórhöfða

 

 

 

 

 

 

 

 

Eiðið og innsiglingin.

 

 

 

 

 

 

 

 

Í Gaujulundi var vorið komið og blómin farin að gæjast upp úr moldinni.

 

 

 

 

 

 

 

 

Gaujulundur er með þeim yndislegri stöðum sem ég kem á. Þessi gróðurvin gömlu hjónanna úti í hrauninu er augnayndi og griðarstaður. Það var gott að koma þarna og njóta veðurblíðunnar.

 

 

 

 

 

 

 

 

 

 

Íslenska þrenningarfjólan blómstraði sínu fegursta í hraunsprungu í Gaujulundi. Ótrúlega fallegar andstæður.

 

 

 

 

 

 

 

 

Ótrúleg litbrigði í náttúrunni, samspil gróðurs og bjargs í fjarska og rauða litarins í nýja hrauninu. Íslensk náttúra er ótrúlega fögur í sinni hrjóstrugu mynd.

Ég tók milli 50- og 60 myndir en læt þessar duga. Það var frábært að heimsækja Eyjarnar og þakka ég fyrir mig. Pálmi! Það var gaman að hitta ykkur þarna við morgunverðarborðið, vonandi hafið þið komist heil heim á föstudeginum með fluginu. Ferðin hjá mér gekk vel með Herjólfi þarna síðdegis. Takk fyrir mig.  Kveðja til allra sem voru á námskeiðinu. Sérstök kveðja til Unnar hjá Stavey frá mér.  

Athugasemdir

[Ásthildur Cesil Þórðardóttir, 12.5.2008 kl. 23:16]

Frábærar vormynir takk fyrir að gefa okkur innsýn í vorið í eyjum Sigurlaug mín.

[Björg Árnadóttir, 13.5.2008 kl. 22:36]

Ég hef komið í Gaujulund. Ótrúlega sérstakur staður. Ég er alveg sammála þér að náttúra íslands getur verið geysifögur þó hún sé ekki hlaðin skógi. Kynjamyndirnar og litbrigðin eru stórkostlegri en nokkurt listaverk svo við eigum að njóta hennar til hins ýtrasta!

[Sigríður Guðnadóttir, 14.5.2008 kl. 00:48]

Æði !!! knús kveðjur

[Helga Dóra, 14.5.2008 kl. 11:26]

Yndislegar þessar Vestmannaeyjar. Á bróður þar sem ég þarf að fara að  heimsækja.......

[Guðrún Þóra Hjaltadóttir, 14.5.2008 kl. 18:19]

Það er fallegt landið okkar og eyjarnir í fallegu veðri, ekki spurning.

[Linda Samsonar Gísladóttir, 15.5.2008 kl. 18:16]

Frábærar myndir.....mikið langar mig til Eyja þegar ég sé þær.  Hef ekki komið þangað í óratíma!

Kveðja,

Linda