Ekki rugla saman foreldraorlofi og fæðingarorlofi.

Það er ranglega farið með staðreyndir í fyrirsögn þessarar fréttar. Hið rétta er að íslenskir feður setja met í töku fæðingarorlofs feðra. Mjög fáir foreldrar taka foreldraorlof sem er annar réttur en fæðingarorlof og tók gildi með sömu lögum 1. janúar árið 2000. Meira að segja er það svo að mjög fáir vita af þessum rétti. Þetta ákvæði laganna skapa foreldrum rétt til að taka leyfi frá störfum í allt að 13 vikur vegna barna upp að 8 ára aldri. Hins vegar er því háttað með þetta leyfi að það er ekki launað,  hvorki frá vinnuveitanda né Fæðingarorlofssjóði sem gerir það að verkum að foreldrar eru ekki að nýta sér þennan rétt. Þeir þurfa því að vera fjárhagslega vel stæðir til að geta gert það. Þó hafa einstaka foreldrar, sem getað hafa nýtt sér þetta þegar barn er að hefja nám í grunnskóla og þarf aðlögunar við. Mjög góðar upplýsingar um "Foreldra-og fæðingarorlof" er að fá m.a. á vef ASÍ á hlekk hægra megin á forsíðu vefsins www.asi.is ,

einnig er hægt að finna góðar upplýsingar á vefnum  www.island.is

Skoðið endilega þessar síður og kynnið ykkur muninn á þessu tvennu - Foreldraorlofi og fæðingarorlofi. 

 

Íslenskir feður setja met í töku foreldraorlofs

Auknar veiðiheimildir.........

Ég held að í ástandinu sem nú ríkir sé nauðsynlegt að auka tímabundið veiðiheimildir. Ég held að lífríkið og fiskistofnar þoli það og ráði alveg við það. Samkvæmt upplýsingum frá sjómönnum er nóg af fiski í sjónum. Okkur veitir ekki af meiri afla. Nú fer atvinnutækifærum að fækka t.d. í byggingariðnaði og þjónustu. Fiskvinnslufyrirtæki hafa verið með lágmarkshráefni að vinna úr og fólk misst vinnu vegna þessa sem ekki er á bætandi eins og staðan er að verða í atvinnumálum. Það þarf að taka þetta til alvarlegrar skoðunar. Nú reynir á sjálfsbjargarviðleitni þjóðarinnar.

Hér er bara bylur!

Ja, hérna! Nú er bara kominn kafaldsbylur og snjóklessurnar á gluggunum valda því að ég sé bara nánast ekkert út um gluggann! Hundspottið mitt hún Tinna er ákaflega spennt og réði sér ekki fyrir kæti úti rétt áðan. Hún elskar snjó og var hún eins og snjókerling þegar hún kom inn. Svo fennti inn um opna glugga og bráðnaði niður á gólf og um allt. Ekki átti maður von á þessu! En þetta er bara gaman. Þetta vil ég miklu fremur en rigningu. Vonandi gengur öllum vel að komast ferða sinna. Ég hvet bara allt til að fara með gát á ferð sinni á sumardekkjunum undir bílunum. Eins gott að fara varlega í vinnuna í fyrramálið!

Haustblogg og bloggleti

Það er nú meira hvað ég hef verið löt að blogga. Haustið er komið og nóg að gera á mínum bæ. Kennslan komin á fullt og fjör færist í leikinn. Fréttir nýliðinna vikna hafa einkennst af titringi og skjálfta í fjármálaheiminum. Enda ekki nema von. Græðgismaskínur fjárfesta hafa yfirkeyrt sig og spilaborgin er hrunin. Hver á svo að borga brúsann af þessu öllu saman? Nema hvað!- ríkið og þar með við. Nýríku Nonnarnir hirða gróðann og skella svo í lás. Það á örugglega eftir að koma slatti af alls kyns skít upp á yfirborðið eftir þetta. Það er óhuggulegt hvernig gífurlegt fjármagn hefur komist í fárra hendur sem stjórna þessu. Nú stendur til að sameina BYR og Glitni. Þeir sem skiptu við BYR af því þeim hugnaðist bara alls ekki að skipta við Glitnis-risann, þeir eiga engra kosta völ lengur. Við vitum bara ekki lengur hvurs er hvað og hver á hvað og hvað er hvað! Það fýkur í mig að lesa svona fréttir. Kannski á maður bara að hætta að lesa svona fréttir og halda skapinu og geðheilsunni réttu megin við strikið, sem er auðvitað langtum betra.  Nú erum við búin að sjá hvernig markaðshyggjan í sinni verstu mynd teymir lönd og strönd út í ystu mörk græðginnar. Hvernig endar heilbrigðiskerfið hjá okkur ef inn í það koma fjármálaspekúlantar sem krefjast hámarks ávöxtunar og gróða úr braskinu? Fylgist með bloggi "Leitandans" hér á síðunni minni. Hann þekkir vel þennan heim í henni USA og það er ekki fallegt hvernig staðan er það. Viljum við að okkar norræna velferðarkerfi endi í Amerískri hryllingsmynd? Ég bara spyr!

Meðal annars, ég ætlaði að setja hér inn mynd fyrir löngu af því hvað við gerðum við stóru steinana okkar í garðinum. Því miður á ég bara kvöldmynd (sem vonandi sést ágætlega). Sem sagt síðbúin sumarmynd.

 

 

 

 

 

 

 

 

Svona kom þetta út. "Búálfarnir blóma minna gæta, í beðinu hérna sunnan undir vegg" ! 

Aldrei borið í hús hér!

Ég bý í Þorlákshöfn og hér hefur Fréttablaðið aldrei verið borið í hús né 24 stundir nema að þú sért áskrifandi af Mogganum þá fylgir það blað með.  Hér í bænum hefur þurft að sækja það annaðhvort í matvörubúðina eða bensínstöðina. Reykvíkingar geta alveg sótt sitt blað út í búð eða sjoppun eins og við hin! KREPPUSRÁÐSTAFANIR!

Breytingar á dreifingu Fréttablaðsins

Hún á afmæli í dag........hún á afmæli í dag.......

Jebbs, hún Búbba mín er 27 ára í dag. Elsku dúllan mín, besta stelpan, til hamingju með daginn.

 

 

 

 

Einu sinni var hún svona, bara að verða 2ja ára, kát og hress hnáta, alger prakkari.

 

 

 

 

Nú er mín svona...alger skvísa.Hress og kát og er enn mikill prakkari.

 

Vertu alltaf hress í huga........sami prakkarinn.........kærleiksrík og umvefjandi.......yndisleg og hugmyndarík....haltu áfram að vera þú sjálf. Hún er overmasterinn á síðunni minni.

 

Knús og kossar frá mömmu og öllu "ranamoskinu" heima.

 

Þetta var flott!

Ég sá ekki alla útsendingu af móttöku handboltaliðsins en sá aðeins upphaf og svo af móttöku forseta Íslands og orðuveitinguna. Mér fannst það flott hjá forseta okkar Ólafi Ragnari að sæma þá Fálkaorðunni. Þetta er þvílíkt afrek að komast þetta og fyrir svona lítið land að skáka stórþjóðum aftur fyrir sig í handboltanum. Þetta var einstakt og verður lengi í minnum haft. Þetta eru flottir strákar og er ég viss um að Ólafur Stefánsson, sá öðlingur eigi stærsta þáttinn í sigri þeirra af öðrum ólöstuðum. Til hamingju strákar og velkomnir heim!!

Orðuveiting á Bessastöðum

Grimmd mannsins eru engin takmörk sett.

Það er hrikalegt hve mannskepnan getur verið grimm og það við sína nánustu. Vesalings fólkið, hvernig mun því svo vegna. Hvað verður um það? Nær það sér nokkurn tíma eftir svona meðferð.

Fangelsaði þroskaheft börn sín

Jah, hérna!

Þeir eru ansi roggnir með sig Svíarnir að fullyrða þetta. Ég hef oft komið til Svíþjóðar og verið einnig í Noregi og Danmörku. Þessu er ég nú ekki sammála. Svíarnir eru fastir í gallatískunni ennþá  og karlar jafnt ungir sem á miðjum aldri fastir í "sítt að aftan" og oft síðu hári niður á axlir, sem mér finnst ekki snyrtilegt og ákaflega hallærislegt.  Danir finnast mér alltaf dálítið sjúskaðir. Þeir eru oft í krumpuðum bómullarfatnaði og karlar ekkert sérstaklega eyða miklum tíma í að láta klippa sig og að raka sig reglulega, full liberal eða þannig. Norðmenn að mínu mati koma okkur næst í snyrtmennsku (get ekkert sagt um Finnana, hef ekki komið þangað). Íslendingar eru að mínu mati hvað snyrtilegastir. Við leggjum mikið upp úr því að vera "í tískunni". Konur er yfirleitt vel klipptar og snyrtar, karlar sömuleiðis.  Við erum dugleg að "dress okkur upp" þegar við förum út í leikhús, út að borða eða annað þar sem fólk er að koma saman.  Samt held ég að máltækið "Hverjum þykir sinn fugl fagur, þótt hann sé bæði lúsugur og magur" eigi við hér.

Svíar telja sig snyrtilegasta

Snilldardæmi um fótaskort á tungunni...........

Ég varð að henda þessu inn en ég fékk þetta sent í tölvupósti í dag. Svona getur útkomin orðið þegar fólki verður "fótaskortur á tungunni" eða er í ætt "Bibbu á Brávallagötunni".

Allt fór afsíðis sem gat farið afsíðis........
· Þessi peysa er mjög lauslát......................
· Þau eiga þvílíka myllu, lifa eins og greifingjar og leika á alls eggi......(Geri aðrir betur....)
· Hann sló tvær flugur í sama höfuðið............
· ...þarna hefði ég sko viljað vera dauð fluga á vegg......
· Ég sá svo sæta stelpu að ég fór alveg fram hjá mér........
· Ég var svo þreyttur að ég henti mér undir rúm......
· Hann sat bara eftir með súrt eplið.................
· Og, nú, góðir farþegar, er einmitt fengitími melóna.....
· Ég hreinlega vissi ekki í hvorn fótinn ég ætti að setjast......
· Hann barasta kom eins og skrattinn úr heiðskíru lofti....
· Þar stóð hundurinn í kúnni...
· Maður fer í bæinn til að sjá sig og sýna aðra...
· Svo handflettir maður rjúpurnar...
· Já, fólk núorðið er svo loðið á milli lappanna.....
· Þetta er ekki upp í köttinn á Nesi.
· Betur sjá eyru en auga
· Ég er alveg stein vöknuð!(eftir að hafa verið stein sofandi)
· Það er ég sem ríð rækjum hér(að ráða ríkjum)
· Ég er búinn að vera andvana í alla nótt
· Róm var ekki reist á hverjum degi!( Sagði maður á Selfossi)
· Vinsamlegast beinhreinsið vínberin (í jólauppskrift)
· Lærin lengast sem lifa (maður lærir svo lengi sem maður lifir)
- Hann varð að setja í minni pokann fyrir hinum

 Snilld!!!!!